Monday, June 18, 2007

'n Update... Maandeliks.... :P

Hi Almal!

Jajaja, ek weet. Baie dinge het gebeur, en ook dan seker nie so baie nie... Ek gaan ook nie 'n lang verduideliking gee nie - julle moet maar net daarmee leef.

Aan die enkeles van julle wat daar was die afgelope 6 maande - ek bedank julle uit die diepte van my hart - dit kon nie vir julle maklik gewees het nie. Aan die wat nie weet waarvan ek praat nie - moenie vra nie. Aan die wat wonder wat de hel aangaan - gese├źnde kersfees vir julle ook...

DESEMBER

Die karongeluk was nie die laaste strooi nie - 'n onderonsie met 4 mans in jou woonstel 5hr die oggend is... My baie-geluk-jy-moes-nou-klaar-geswot-gewees-het vakansie het begin met 'n nuwe werks-kontrak en 6 gebreekte ribbes. Ja ek kan nou eenkeer in my lewe erken dat ek ook op drugs was - ek het daai eerste 6 weke meer Myprodol as suikerkorrels in gekry...

JANUARIE

Ek en Hannes bly baie lekker in die 224 op Stellenbosch. Dit het nie 'n stoep nie en kyk ook nie op die water uit nie, maar nou ja, dis seker die prys wat jy moet betaal as jy regoorkant die pad van jou kantoor wil werk!

FEBRUARIE

Het nog 'n kontrak gekry - NG Kerk se Streeks-kantoor in Bellville. Het vir hulle 'n BPEL-Analysis gedoen en gekyk na hulle gebruik van IT-Infrastruktuur in hul Kommunikasie-Afdeling. 140 ure ekstra oortyd vir die maand... en ek love dit...

MAART

Besluit om te begin my IT-credentials op datum te kry - daar is nie regtig tyd daarvoor as jy heeldag moet vir 'n Universiteit swot nie. Het in 6 weke A+, Network+ en Security+ van CompTIA gekry.

APRIL

Microsoft Kursusse begin - swot in die aande na werk. Swot vir al 4 eksamens, en kom alles deur - join nou die eskader van die Microsoft Professionals en Microsoft Certified Systems Administrator.

Is aangestel as Direkteur van See-en-Sand Nasionale Seereddings-Instituut. Eerste Direksie-pos op 24... seker nie te vrot nie. Start the machine... oppas net die hangover na jou eie 25th - dit kan rof wees :P

MEI

Bietjie ooreis van werk? Vang myself uit dat ek vir die eerste keer 'n smile op my gevreet het oppad terug van Gordon's Bay ... al was dit net vir 15 minute.

Junie

Werkskontrak met die Universiteit van Stellenbosch is hernu tot einde van die jaar. Gaan baie goed met die werk, meeste van die 600 rekenaars hierso is aan die gang en tevrede.

Julle gaan dit moeilik glo, maar ek kan actually nie wag vir my vakansie nie (ek is die eerste week van Julie tussen Pretoria en Johannesburg).

M

No comments: